Батдэлгэрийн Нямцэрэн

Сайхан клип болжээ

2010-06-19T22:22:00.000-07:00

Анд найз Барбаатартаа төрсөн өдрийн баярын мэнд хүргэе!

2009-10-10T02:34:00.000-07:00

Хорвоод мэндэлсэн хосгүй баярын өдөр нь тохиож байгаа найз Анд найз Барбаатартаа төрсөн өдрийн баярын гал халуун мэнд хүргэе!

Найздаа амьдралд нь хамгийн сайн сайхан бүхэнийг хүсэе!
Анд найз бидэндээ үргэлж инээд хөөр баяр баясгалан бэлэглэж яваарай!

Алаг дэлхийд намайг ганцаардал бүү үзэг гэж
Ашгүй бурхан гар таталгүй хайрласан
Алт шиг сайн анд нөхөртэй билээ би
Алтан үсэгээр бичиж, титэм хийж өмсмөөр
Анд нөхөд минь миний цорын ганцхан гангараа юм
Би анд найзаараа бахархдаг шүү Миний найзын амьдрал гэрэл гэгээтэй байгээ

Аз жаргал

2009-10-03T07:36:00.000-07:00

Бямбажавын Энхтуяа: Аз жаргал гуйлгачин шиг

Аз жаргалыг дараа ир гэж бүү буцаа
Анхны яргуй цасан дороос ургадаг шиг
Аадар бороо дээд тэнгэрээс асгардаг шиг
Аз жаргалын элч цаг цагтаа ирдэг юм

Хойтон жилийн наадамд өмсөхөөр хадгалсан
Хоргой эмжээртэй дээл бишээ аз жаргал
Аз жаргалыг дараа ир гэж бүү буцаа
Анхны яргуй цасан дороос ургадаг шиг
Аадар бороо дээд тэнгэрээс асгардаг шиг
Аз жаргалын элч цаг цагтаа ирдэг юм

Хойтон жилийн наадамд өмсөхөөр хадгалсан
Хоргой эмжээртэй дээл бишээ аз жаргал

Бороо сүлсэн нарны гэрэл солонго болон нумладаг шиг
Бодол ариуссан насны жаргал хайр болон ивлэдэг юм

Зузаан янаг сэтгэл үүрдийн үүрдийг хүслээ ч
Зуурдын энэхэн хорвоогийн зурагтөөрөг хатуу
Арзыг хорз болтол нь нэрж болохоос бус
Аз жаргалыг дараа эдэлнэ гэж хадгалж болдоггүй юм

Аз жаргалыг дараа эдэлнэ гэж өөрийгөө бүү хуур
Ачит ээжийгээ дараа жаргаана гэж өдөр хоногийг бүү хуур
Аугаа эх орноо дараа мандуулна гэж өстөндөө бүү хуурт
Алаг үрээ дараа ир гэж үрийн заяаг бүү хуур

Аз жаргал гуйлгачин шиг үүдийг чинь тогшвол бүү хөө
Агшин хором бүхэн эргэж ирдэггүйг бүү умарт
Ариухан сэтгэлийн үнэн үгээ бүү хадгал
Аяндаа минийх л юм чинь гэж намайгаа бүү шаналга

Шаглаж дуусаагүй үлдсэн торгон дээл шиг
Шаналалд идэгдсэн гундуу заяа үлддэг юм
Шатаж дуусаагүй унтарсан гал шиг
Санасаар яваад өнгөрсөн дутуу амьдрал үлддэг юм

Алтан дөрөө уяан дээр хангинахад
Аянчин хорвоогийн морийг тосож ав
Аяар аяар хаалгыг чинь тогших
Аз жаргалыг бүү буцаа...

Маш их таалагдсан болохоор нь оруулчихлаа

Дандаа чамайг хайрлаж явья аа

2009-09-20T02:35:00.000-07:00

Дандаа чамайг хайрлаж явья аа
Даруухан зангийг чинь дээдлэж явья аа
Орчлонд уярахын жаргал амтлаад
Онгон зүрхэндээ нандагнаж явья аа

Хорвоод олдсон энэхэн насандаа
Хонгор чамайгаа хайрлаж явья аа
Эргэх амьдралын нугачаан дунд
Энхрий чамайгаа түшиж явья аа
Эргэх амьдралын нугачаан дунд
Энхрий чамайгаа түшиж явья аа

Хүнийг хайрлах хувьтай төрсөн
Хүслээ гүйцээх азтай төрсөн
Уяралын сайхан хайлан мэлмэрэх
Ухаант чамаараа бахараж явья аа

Дандаа чамайг хайрлаж явья аа
Даруухан зангийг чинь дээдлэж явья аа
Орчлонд уярахын жаргал амтлаад
Онгон зүрхэндээ нандагнаж явья аа
Орчлонд уярахын жаргал амтлаад
Онгон зүрхэндээ нандагнаж явья аа

Хүмүүс яагаад цэцгэнд дуртай байдаг вэ?

2009-06-06T20:40:00.000-07:00

Бороо ороод байхаар нь шүхэр барьж байгаад ганц нэг зураг дарав.

Насан багын дурсамж

2009-05-16T22:56:00.000-07:00

зургыг М. Бат-эрдэнэ

Энэ зургыг үзээд багын минь нэг сайхан дурсамж санаанд орлоо. Би тэр үед 5 р ангийн бацаан байлаа.
Манайх гэдэг айл сумын төв дээр байдаг аав ээж 2 маань хоёуулаа сургуульд ажилладаг болохоор зун л хөдөө нүүж зусдаг байв. Манай гэх хэдэн малыг аавын ах малладаг авга ахын хүүхэдүүд манайд ирж сургуульд суудаг байсан. Аав маань сумандаа, аймагтаа нэртэй сайн математикийн багш, авга ах маань нутаг усандаа нэртэй сайн малчин, малын эмч. Хичээлийн амралт болохоор л хөдөө авга ахынд очиж малаа маллана. Миний хувьд гэр бүлийнхээ өмнөөс авга ахынд очиж малаа маллаж буй том малчин.

Тэр зун 8 сарын эхээр авга ахынхаас 30 аад км зайтай шүү, мараа элбэгтэй газраад хонио оторлохоор боллоо. Оторт явах хүмүүсээ 2 хэсэгт хувааж 14 хоногоор ээлжилж явахаар болов. Манай хэсгийн ахлах хоньчиноор хамт оторт явах айлын маань хүргэн нь, нөгөө хэсгийн ахлах хоньчиноор хажуу айлын маань мундаг малч өвгөн, дагавар хоньчиноор манай үеэл (одоо мундаг авто-ын инженер) явхаар болов. За тэгээд ахлах хоньчин ахтайгаа оторт гарлаа даа. Эхний хэдэн өдөрт ч сайхан л байлаа. Гэтэл нөгөө ахын маань эхнэр нь төрөх болчихоод сумын төвд эмнэлэгт хэвтэв. Тэрнээс хойш нөгөө ахлах хоньчин маань байдаггүй ээ сумын төв яваад алга болов. Уул нь тэр ах маань гэр лүү явж хоол хүнс авчрах, шөнө хонио манах ажлыг нь хийдэг би хоол унд хийх, өдөрт нь хонио хариулдаг байв.

Ойр хавь хэн ч байхгүй эзгүй хээр талд жижигхэн товцогын оройд майханаа барьчихсан шөнө болохоор хонио майханаа тойруулж хэвтүүлээд л манаад хонодог байв. Ганцаараа ч гэсэн шөнө нь майханыхаа үүдэнд гар чийдэнгээ бариад л суугаагаараа хонож байлаа гэтэл 3 дөрөв хоног нөгөө ах маань ирдэггүй ээ. Хоол хүнс ч дууслаа, гар чийдэнгийн баттерэй ч дууслаа ер нь нилээн зудтарч эхэллээ.

Гэтэл тэр нэг шөнө айхтар аянга цахилгаан, мөндөртөй, ширүүн салхитай бороо оров. Майхан маань хийсч явчих гээд байдаг хэдэн хонь маань бороонд уруудаад алга болох гээд байдаг дээр нь цахилгаан цахиад үнхэлцэг хагалчих гээд байдаг 5 р ангийн хүүхэдэд бол хол ахдсан хэцүү даваа байсан санагдана. Өглөө боллоо хонио билчээчихээд норсон хувцасаа хатаагаад сууж байтал нөгөө ах маань ирлээ. За тэгээд отороо дуусгаад дайнд яваад ирсэн баатар аятай гэртээ ирцгээлээ. Манай үеэл бид хоёрыг хот айлынхан магтаад л мундаг малчин хүүхэдүүд өглөө 5 цагт босч хонио хариулдаг сайн малчин болно энэ тэр гэцгээж байлаа. Нөгөө манай ахлах хоньчин ахыг маань жаал зэмлэв хүүхэд ганцааранг нь үлдээсэн, явах байсан бол бидэнд хэлээд явахгүй гээд л хадам аав нь нилээн зэмлэв.

Гэтэл хот айлын ахынд үеэл бид 2 той нас чацуу нэг охин байх аав нь үел бид хоёрын аль нэгтэй том болохоор нь суулгана гэж ярина бид хоёр их ичнээ тэрнээс болоод тэднийд орохоо ч болисон. Одоо тэр охин нутагтаа олон сайхан хүүхэдтэй сайн сайхан амьдарч байгаа л гэсэн. Амьдралаа гэж... насан багын найзуудтайгаа хүүхэд насаа нэг сайхан дурсах юмсан...

Би монгол эр хүн

2009-05-07T05:15:00.000-07:00

Би МОНГОЛ эр хүн
Би хээрийн салхинд ариуссан энгэрийн ганцхан модны навч
Би энхрий нутгаа бусдаас харамлаж дээшээ огших монгол эр хүн
###########################################
Би тулганд цойлон дүрэлзэх хүчит догшин галын дөл
Би шүлэг тэрлэн шүүрс алдах омог бардам Монгол эр хүн
Би халхын сайхан бүсгүйн харааг булааж хайрыг татсан
Би сэтгэл сэргээх айзам урсгаж уяран сагах Монгол эр хүн

Би нартад хорогдон шуугих хялмаат ширүүн шуураганы ширхэг
Би дуу аялан сэтгэл тайтгарч шуранхай хадаах Монгол эр хүн
Би сэтгэлийн сайхнаар ханиа дээдэлж халамжаа бүхэнд харамгүй хайрлах
Би халуун сэтгэл энэхэн биеээ бусдад зориулах Монгол эр хүн

Би хээрийн салхинд ариуссан энгэрийн ганцхан модны навч
Би энхрий нутгаа бусдаас харамлаж дээшээ огших Монгол эр хүн
Би аргалын утаа үнэртэж ангир уургаа залгилж өссөн
Би тэнгэртээ сүслэн наранд залбирах хөх толботой Монгол эр хүн

Би дэлхийд тааваар амьдрах дээдэс заяат Монгол эр хүн
Би дээлээ бүсэлж хөөрөг зөрүүлэх дээшээ хиймортой монгол эр хүн
Би морин дэлдээр дарцаглан монголоо гээд цээжээ дэлдээд
Би морьтон ардын удам залгах уурага сунгах монгол эр хүн
##################################################
Би морин дэлдээр дарцаглан монголоо гээд цээжээ дэлдээд
Би барцадгүй монголын төлөө тэмцсэн өвгөдийнхөө зарлигтай Монгол эр хүн

Хаврын баяр 2009

2009-05-04T19:17:00.000-07:00

Япон дахь монголчуудын хаврын баяр 5-р сарын 3,4 нд нижгэр сайхан болж өнгөрлөө. Хаврын баярыг ЯМОХ(Япон дахь монголын оюутаны холбоо)-оос жил бүр уламжлал болгон зохион байгуулдаг бөгөөд энэ жилийн хаврын баярыг маш сайн зохион байгуулсан байлаа. ЯМОХ-ын залуусдаа баярлаж талархсанаа илэрхийлэе. Бусад зургыг

Япон хэл суралцаж байгаа хүмүүст

2009-05-02T20:51:00.001-07:00

http://smart.fm/home
Эхлээд энэ сайтад бүртгүүлэх. Англи хэлтэй бол сурахад маш дөхөмтөй. Бүртгүүлсэн хэрэглэгчээрээ нэвтэрч орно.
Уг нь энэ сайт англи хэл сурах зорилготой сайт боловч япон хэл сурах боломжийг бас нэмж оруулсан юм.

За тэгээд суралцах курсээ сонгоод хичээллэж өгнө дөө.

Learning Apps гэсэн хэсэгт 3 н сонголт байгаа.

1. iKnow!
2. Dictation
3. Brainspeed

1. iKnow! гэсэн програм нь тухайн курсын үгнүүдийг цээжлүүлэх зорилготой програм юм. Эхлээд үгнүүдээ нэг нэгээр нь заах ба дараа нь тэр үгнүүдээсээ тусгай дараалалаар асуух бөгөөд тухайн үгээ мэдэхгүй болон хариулж чадаагүй тохиолдолд дахиж заана. Тухайн үгийг ханзыг нь харуулж утгыг нь асуух, утгыг нь харуулж ханзыг нь асуух, ханзыг нь харуулж дуудлагыг нь асуух, дуудлагыг нь харуулж ханзыг нь асуух, ханзыг нь харуулж дуудлагыг нь бичүүлэх гэсэн дараалалаар сурсан эсэхийг чинь шалгана. Тухайн үгийг хэдэн хувьтай мэдэж байгаа талаархи мэдээлэлийг хувиар харуулна. Дээр нь тухайн үгийг богино хугацааны дотор олон удаа хичээллэж болохгүй бөгөөд энэ нь тухайн үедээ л цээжилчихээд дараа нь мартахаас сэргийлж байгаа юм. 3 аас дээш өдрийн дараа тухайн үг дахин хичээллэж болох боломжтой болно. Тэр үед нь та мэдэж байвал тэр үгийг сайн цээжилсэн байнаа гэж үзэх бөгөөд таны тэр үгийг мэдэж байгаа хувь буюу дүн тань нилээд нэмэгдэх болно. Тухайн курсын бүх үг 100 хувь болсон тохиолдолд тэр курсын бүрэн дууслаа гэж үзнэ.

2. Dictation энэ програм нь сонсгол сайжруулах програм юм. Өгүүлбэрийг хэлэх бөгөөд хэлсэний дагуу тухайн өгүүлбэрийг бичнэ. Алдаатай бичсэн тохиолдолд дахиж бичүүлнэ.

3. Brainspeed энэ програм нь тоглоом гэхэд болно. Өөрийнхөө сурсан зүйлээ шалгах тоглоом юм. За тэгээд тархинийхаа хурдыг үзээд байж дээ.

Миний хувьд зав зай бага гардаг болохоор
Japanese Core 2000 курсыг дуусаж байгаа.
http://smart.fm/series/3318

Одоогоор Japanese Core 6000 курсыг хичээллэж байна.
http://smart.fm/series/3321

За Япон хэл шамдан суралцаж байгаа хүмүүстээ амжилт хүсэе!

Эцэст нь хэлэхэд энэ програмын давуу тал нь хүний тархины тогтоох чадварт суурилсан repeated adaptive algorithm-ыг агшигласанд оршино.

Япон хэлтэй Англи хэл суралцаж байгаа хүмүүст ч гэсэн маш хэрэгтэй сайт шүү!

Эрвээхэй

2009-05-01T23:25:00.001-07:00

Бусад зургыг эндээс үзнэ үү

Kylie Minogue and Kermit the Frog - Especially for You

2009-04-25T07:30:00.001-07:00

Ходоодоо баярлуулав

2009-04-10T06:48:00.000-07:00

Өнөөдөр оройн хоолоо хийж идэх санаатай ямар хоол хийж идэхээ жаахан бодлоо тэгээд хөргөгчөө уудалтал хонь, үхэр, тахианы мах байж байна. Гэсэх нь хурдан гээд тахианы махаар хоол хийхээр шийдчихэв. Гарч коен орж зураг дарах гэж байсан болохоор будаа агшаачихав. Зураг дарчихаад эргээд иртэл будаа ч сайхан агшчихаж тэгээд сонгино, төмс, чинжүү, лууван хэрчээд оливийн тосонд жаахан хуураад дээрээс нь тахианы махаа том том хавтгай хэрчээд нэмж хийгээд хуурав. амт нь нэг л сул болох болов уу гэж бодоод кэтчуп жаахан хийчэв. Тэгээд дээрээс нь жаахан ус хийгээд таглааг нь тавиад жаал жигнэх маягтай зөөлөн галаар хуурав. Бага зэрэг шөлтөй болтол нь хуураад шөлийг нь будаан дээрээ хийгээд махтайгаа холиод идтэл хачин гоё амттай болчихсон байхын мах нь их гоё зөөлхөн нэг л гоё амттай болчихож. Нохой хамартаа хүрэхээр усч гэдэг шиг ходоодоо борлуулчихаад л байна хэ хэ

Хөгжимт усан оргилуур

2009-04-10T06:34:00.000-07:00

Манай гэрийн хажуу талын цэцэрлэгт хүрээлэнд хөгжимийн аяаар оргилдог нэг гоё усан оргилуур байдаг юм. Өнөөдөр ажил эрт тарсан болохоор очиж зураг авахаар шийдээд зураг аваад видео бичлэг хийгээд ирлээ. Яг дэргэдээс нь үзвэл нэг л гоё мэдрэмж төрнө. Сэрүү татаад л яг хөгжимийн аяаар оргилоод л гоёоо гоё

Сакура

2009-03-29T04:29:00.000-07:00

Амралтын өдрүүдээр сакура цэцгийн цэцэглэхийг үзлээ. Үнэхээр гайхалтай сайхан цэцэг юмаа.

From Sakura

http://picasaweb.google.com/B.Nyamtseren.MGL

Хавар

2009-03-14T21:47:00.000-07:00

Өнөөдөр гадаа ямар гоё байнаа. Салхинд алхангаа ганц нэг зураг дарлаа үнэхээр гоё өдөр байна.

40-н сая долларын төсөл

2009-03-13T05:51:00.000-07:00

Энэ долоо хонгоос Fujitsu-ийн CRM/SFA (Customer Relationship Management/Sales Force Automation) төсөл дээр ажиллаж эхлэв. 2 жил орчим боловсруулах маш том төсөл бөгөөд төслийн өртөг нь 40-н сая доллар. Ийм өндөр өртөгтөй том төсөл дээр ажиллана гэхээр сүрдэж л байлаа. Гэвч долоо хоног орчим ажиллаж үзлээ болмоор л санагдлаа. Их зүйл л сурах юм шиг байна. Том компаний том төсөл болохоор чадварлаг хүмүүс нилээн өндөр түвшинд боловсруулах бололтой. Төслийг Visual Studio 2008 C#, Smart Client, SOAP, WSDL, QuiQpro програм,технологиудыг ашиглаж Application server, Client Application, Web Application боловсруулана.

Номын дуу сонсов

2009-03-13T03:51:00.000-07:00

Өчигдөр,Өнөөдөр Fujitsu ийн QuiQpro програмын хичээлд суулаа. Програмын анхан шатны бичиг баримтаас авхуулаад тест хүртлэхи бүх бичиг баримт, загвар, анхан шатны кодыг автоматаар боловсруулчихдаг гайхалтай програм байна. Энэ програмыг төсөлдөө ашиглах болхоор сургалтанд нь сууж байгаан. Сонирхсон хүн эндээс үзнэ үү http://quiq.fsol.co.jp/ өнөөдөр хичээл дуусаад QuiQpro ийн талаархи мэдлэгийн шалгалт авдаг юм байна над шиг япон хэл мэдэхгүй хүнд бол хүнд л шалгалт байлаа. Япон залуучууд ч гэсэн унаж байхыг бодоход хүнд л шалгалт байсан бололтой. Гэхдээ хэл сайн мэдэхгүй ч гэсэн шалгалтанд нь тэнцчихлээ. Бөөн баяр...

Инээмсэглэж буй хүн сайхан харагддаг шүү

2009-03-12T03:51:00.000-07:00

Та ч гэсэн энэ зургыг хараад инээмсэглэж байгаа байх та сайхан харагдаж байгаа гэдэгт итгэлтэй байна. Инээмсэглэж амьдрая

Шүтээнүүддээ зориулав

2009-03-08T07:40:00.000-07:00

Хайрт ээж тандаа Олон улсын эмэгтэйчүүдийн баярын мэнд дэвшүүлье!

2009-03-06T07:07:00.000-08:00

Фото аялал 2009-I. Ниппон

2009-02-22T06:17:00.000-08:00

http://picasaweb.google.com/B.Nyamtseren.MGL/2009I#

Сурахад нас оройтохгүй

2009-02-16T03:19:00.000-08:00

Надтай хамт 60 гарсан нэг эмэгтэй (монголд бол эмээ хэ хэ) хамт ажилладаг юм. Хэлтсийн дарга нөгөө эгчээс маань өмнө нь .NET дээр програм бичиж байсан уу? гэж асуутал .NET дээр програм бичиж байгаагүй гэхдээ шинэ технологи сурч авах сайхан боломж гэж үзээд би хичээнэ гэж хэлдэг юм байна. Үнэхээр гахайлтай 60 гарсан хүн шинэ програмчлалын хэл сурна гэж хэлж байх юм. Үнэхээр ч хэлсэндээ хүрч прожектоо дуусах шатандаа явж байгаа. Өнгөрсөн хагас сайнд компани дээр хурал болоод бүх програмистууд 基本情報技術者試験(FE)-Fundamental Information Technology Engineer Examination-ийг өг, өгч байсанууд нь дээд түвшинийх нь шалгалтыг өг гэдэг юм байна гэтэл манай нөгөө эгч маань өнөөдөрөөс эхлээд шалгалтанд тэнцэхийн тулд шаргуу хичээллэнэ гэдэг байгаа. 60 гарсан эмээ програмчлалын хэл сураад, 基本情報技術者試験 өгөх гээд байхад би залуу хүн байж юу хийгээд байгаа юм бэ гэж өөрийгөө чамаллаа. Хичнээн япон хэл сайн мэдэхгүй ч хичээгээд бэлдэж байгаад өгөөд үзье л гэж бодлоо. Бид залуу байна ид сурдаг нас сур сур бас дахин сур...

Ц.Бямбажаргал : Би чамд тийм л хайртай

2009-02-14T01:46:00.001-08:00

Ц.Бямбажаргал : Би чамд тийм л хайртай

Зөвхөн нэрийг чинь сонсоход шүлэг мэт сонсогддог
би чамд тийм л хайртай
Зүүдээ манахад чи ирвэл мөнхөд сэрэхийг хүсдэггүй
би чамд тийм л хайртай
Зөн совин муугаар татахад хамгаас түрүүнд чамд зовнидог
би чамд тийм л хайртай
Зөөлөн амьсгаа чинь чихэнд шүргэхэд хорвоог мартдаг
би чамд тийм л хайртай
Хэн нэгний гар хацарыг чинь иллээ гэж зүүдлээд сэрээд зүүд байсанд
баярладаг
би чамд тийм л хайртай
Хэзээ ч би чиний дэргэд байж чадна гэж үнэнээсээ амалдаг
би чамд тийм л хайртай
Халуун нулимсыг чинь гараараа нь биш зүрхээрээ арчдаг
би чамд тийм л хайртай
Хайргүй гэдэгийг чинь мэдсээр байж хүлээн суудаг
би чамд тийм л хайртай

гоё шүлэг болохоор нь чирээд ирлээ. хайртай хүндээ уншиж өгвөл гоё болов уу...

Харьд суугаа хүү тань

2009-02-14T01:30:00.001-08:00

Харьд суугаа хүү тань
Холын хол Япон орноос
Хөвөн цагаан үүлсийн дээгүүр
Хүрч очих хийморьтой ерөөлийг өргөн дэвшүүлье!
Хайрт аав таныгаа санасан
Халуун сэтгэлийн гүнээс мэндчилье!
Хамаг амьдралын минь сүлд болсон
Хөгшин буурал аав Та амар байна уу?
Шиврэх энэхүү шүлгийн мөрүүдээр
Ширхэг эс болон тандаа нэвчье
Эрхэм аавдаа бичих захиагаар
Эгшиг аялгуу болон уянгалъя
Чин сэтгэлийн үгээ сонсож
Чимэг болох мөрүүд нэмээд
Чагнан суух аавынхаа сэтгэлд
Чадах чинээгээрээ бичиж явууллаа.

Намайг дулаацуулах нар энд ховорхон
Налайн сүүмийх уулс нь дүнсгэр
Нөмрөн хучих тэнгэр нь бүрхэг
Нэрлээд суух од мичид цөөхөн
Нүүдлийн шувууд буцдагийн адилаар
Нартай нэгэн өдөр гэртээ харина аа
Нэг биш хэдэн жил
Нутгийнхаа нарыг санасан
Нарлаг Монголынхоо наадмыг
Нулимс унаган дурссан
Нууцхан тандаа хэлэхэд
Нийслэл хотоо зүүдэлсээн
Тосоод авах хүнгүй
Төрөл садан үгүй
Туулах зовлон ихтэй
Тусгай бүлэгт хамаарч
Түгшүүр тээсэн амьдралтай
Төсөөлөн бодсоноос ондоо
Тэсэх тэвчээр шаардсан
Тийм л нэгэн оронд
Түвшин жаргалыг зүүдэлж
Тухгүй амьдралыг туулж байна
Аав аа! хүүдээ санаа зоволтгүй ээ
Алдаа оноотой энэ л хорвоод
Аавынхаа бийд
Амьдрал үзье дээ хүү нь
Архи ууж адаг болоод
Арчаагүй болж гэртээ харьсан нь зөндөө
Аливаа нөхцөлтэй ажлыг
Адил найзуудын хамтаар
Амрах цагаа хугаслаж
Амархан хийж сурлаа
Амьдралд таарах амттанг
Амталж шимж сурлаа
Алаг хорвоогийн өнгийг
Аанай л ялгаж сурлаа
Амьдралын минь сүлд болсон
Аав тандаа хүү нь хайртай
Амьдрал хэмээх амттанг
Асгаж үзээгүй ээ
Атга хөлсөө цуглуулаад
Асарч тойлно оо аавыгаа
Санах зүрхний угаас
Сийрэг цохилтоор ундарсан
Сэтгэл нулимс хоёроо
Саяхан хүртэл барьсаан
Хүү нь танаараа үлгэрлээд
Хүч тамир аван хөдөлмөрлөж
Хангу хүний мөсгүй чанарыг
Хайхрах зүйлгүй давах юм.
Нутгийн нарныхаа илчийг шингээсэн
Нуган биенийхээ энэ л илчээр
Харь нутгийн зэврүүн агаарыг
Халаглах юмгүй туулах юм.
Хүйтэн биш ч энд зэврүүн байна
Хангу хүний чанар
Хог юм аа ,аав аа
Харь нутгийн хүн гэж
Хараалгаж загнуулж адлуулж үзсээн
Тэглээ гээд гутарч алхсангүй
Тийм үг хэллээ гээд санаа бодсонгүй
Тэнэг ааштайд нь гайхаж явлаа
Тааруухан санаатайд нь өрөвдөж байлаа.

Мөнхөд энд байхгүйг
Мэддэг болохоороо би
Мөрөөдөл хүслээ барин зүглүүлж
Мөдхөн очиж золгохын тулд
Маш ихэд хөдөлмөрлөж байна
Хатуу бүхнийг хийж
Хатуужил гэх эрдмийг
Хүч оюунаа ашиглаад
Хичээнгүйлэн суралцаж мэдлээ
Хугацаагүй хөдөлмөрийн албанд
Хар хүн болж
Хоног алдахгүй
Хойш тавилгүй
Хугацаа бүхнийг хожиж
Хайрт буурал аавдаа
Хэзээд очиход бэлэн
Хүсэлдээ хүрч золгохын тулд
Хэцүү бүхнээс шантралгүй
Хурдан хурдан хийгээд
Хөлсөө хурааж чадлаа
Буянтай буурал тандаа
Бахархах сэтгэл төрүүлэм
Бат амьдралыг босгох
Баатар биш ч
Байгуулагч болоод
Бүтээлч Япон орноос
Босгох эрдмээс суралцаад
Бүр мөсөн очно оо
Бараг харих дөхсөн ч
Будаа идэж ус уугаад
Бэрх бүрийг амталж
Бэрхшээл бүхэнд шургалаад
Болхи энэ биеэ
Бүрэн төгс боловсруулж
Буурай Монгол улсаа
Бэхжүүлж хөгжүүлэхэд нэмэр
Сүлд нутгаа дээдлээд
Сайн хийморьтой явна
Сургаал үгийг тань санаад
Сайхан санаа үзүүрлэнэ
Сэрүүн өлгий нутгаа
Сэргэж нэг санана
Зүрхэн нэг аавыгаа
Зүүдэлж хононо би
Зүрхнээс ундарсан санахуй
Зүгээр ч үгүй догдлуулсаар
Судас биеэр дамжаад
Сэтгэл санаанд шингэнэм
Элэгнээс уягдсан сэтгэл
Ээдэрч зогсолгүй уяраасаар
Тархи оюунаар дамжаад
Танд надад шингэнэм.

Элдэв хөдөлмөрийн амтыг дэлгээд
Эрхэм аав тантайгаа золгоё.
Эдлэх жаргалаас өвөртлөн очоод
Энгэрээрээ тэврэлдэж учран золгоё.
Сонсгох эгшиг аялгуун мөрүүдээр
Санасан сэтгэлээ хурлуулж буулгав
Сайн сууж байхын ерөөлийг өргөж
Япон улсаас хүндэтгэн ёслов.
Даарах сэтгэлд минь илч нэмсэн
Даах нуруунд минь хүч нэмсэн
Давах амьдралд минь хайр нэмсэн
Дал гарсан аавдаа
Далай тэнгисийг туулан очих
Жаргалан.

Бичсэн хүн нь тодорхойгүй

Happy Valentine's Day!

2009-02-13T04:34:00.000-08:00

Хос залуустаа аз жаргал сайн сайхан бүхнийг хүсэе!

Зураг, Сийлбэр

2009-02-07T02:19:00.000-08:00

Миний бүтээлүүд

Миний бага байхдаа зурж, сийлж байсан зүйл 7, 8 р ангид байхдаа л нийлээн оролддог байсан юм. Гэхдээ чөлөөт цагаа ихэнхийг нь хичээл номд зарцуулдаг байсан л даа. Математикийн олимпиадад бэлдэнэ гээд ном шагайгаад л суудаг хүүхэд байсан хааяа толгойгоо амраах гэж зураг сийлбэр оролддог байсан юм. Манай гэрийн сервантанд миний баярын бичиг, өргөмжлөл, сийлбэр, зураг л дүүрэн байдаг байж билээ. Одоо харин энэ хоббигоо солиод фото зураг авах сонирхолтой болоод байгаа.

Хайртдаа барих бэлэг

2009-02-06T21:16:00.000-08:00

Хайртыгаа баярлуулая залуусаа

Үдийн цай

2009-01-26T04:45:00.000-08:00

Өнөөдөр Hitachi Information Systems компанид гэрээгээр ажиллахаар очлоо. Гэтэл үдийн цайны цагаар хамт ажилладаг залуу маань түргэн хоолондоо явья дуусчихана гээд байхаар нь би нилээн гайхлаа. Гэтэл 5 н цахилгаан шат зэрэг ажиллаж байхад дэншанд суух гэж байгаа хүмүүс шиг оочирлочихсон байхын тэгээд 6 давхараас 10 давхарлуу шатаар алхлаа. Бас л бөөн оочир. Оочирлож байгаад обентоо авлаа үнэ ч хямдхан юм 450 еэн гаригаасаа хамаараад хоолных нь төрөл нь өөр бөгөөд өнөөдөрийнх нь хоол их л амттай сайхан хоол санагдсан. Обентоо нь хүрээгүй хүмүүс нь 10 давхарт байрлах комбини орж өөр төрлийн обентоо болон бас бус юм авч иддэг юм байна. Цайны цаг нь 45 минут болхоор нэг их гарч хооллодоггүй бололтой. 5000 гаруй ажилчинтай болхоор өдөр цайны цагаар бол шоргоолж шиг л бужигнадаг газар байна. Мэдээлэл технологийн компани ийм олон ажилчинтай гэхээр нь нийлээн гайхлаа. 20 давхар байшин тэр чигээрээ Hitachi Information Systems компани. 10 н давхартаа ажилчиддаа зориулсан комбинитой нь их гоё санагдлаа.

Гэртээ хариад ирлээ

2009-01-09T02:50:00.000-08:00

Та бүхэнд шинэ оны мэнд хүргэе! Шинэ жилээр гэртээ хариж аав ээждээ үнсүүлээд, баахан эрхэлж аваад ирлээ. Алтан гартай эмч нарын ачаар аав маань аюулт өвчинөөс ангижирч шинэ оныг өөдрөг сайхан угтлаа. Нутаг явсан аяны ганзагалаа удвал муудаж магадгүй тул андууд эртхэн ирж амсна уу! Ганзагалаанд Мишка, Хиам, Аарц, Зэрлэг гахайн жирээ байгаа болно.

1. Сайтаар удирдах систем

2008-12-22T22:58:00.000-08:00

Японд оронд ажиллахаар ирээд хийсэн анхны маань систем. Энэ систем нь Hitachi Kokusai Electric Inc компаний дотоод үйл ажиллагааны систем бөгөөд ASP, MS Sql Server дээр боловсоруулсан Web Application юм. Энэхүү системийг хийх багийн бүрэлдэхүүнд нэг монгол охин, нэг хятад охин миний бие гээд 3 хүн хийхээр боллоо. Гуравуулаа шинэ орсон ажилчин хятад охин нь бүүр өөр мэргэжилийн хүн, миний хувьд өмнө нь ASP, VB дээр сайт, програм бичиж байсан туршлага байхгүй болохоор хэцүүхэн л санагдаж байлаа. Энэ системийг бүтээх ажлыг хийснээр миний хувьд их зүйл сурч, их туршлага хуримтлуулж авсан. Web Server болон түүний тохиргоо, IIS ийн тохиргоо болон хэрэглээ, ASP, VBScript, Javascript , VB, Excel програмчлал гээд олон зүйл сурч мэдэж авлаа. Байгууллагын дотоод үйл ажиллагааны өдөр тутам ашиглах систем болохоор амаргүй систем байлаа жишээ нь миний хийж байсан харилцагчийн бүтээгдэхүүний худалдан авалт болон бүтээгдэхүүн, харилцагчийн мэдээлэл бүртгэх хэсэг дээр оролтын динамик форм бичих байлаа энэ нь ямар төрлийн бүтээгдэхүүн гэдгээсээ хамаараад тухайн бүтээгдэхүүний нарийн мэдээлэлийг оруулах байв. Бүтээгдэхүүний төрөл нь Мобайл, Холбооны төхөөрөмж, Мэдээлэл технологи, Телевизор, Камера, Дамжуулах станц, Радио холбооны төхөөрөмж гэх мэт байх бөгөөд тухайн системийн онцлогын талаархи мэдээлэлийг оруулах оролтын формын мэдээлэл өгөгдөлийн баазаад байх бөгөөд өгөгдөлийн баазаас уншиж оролтын формыг динамикаар зурах, өгөгдөлийн бүртгэлийн шалгалт нь мөн динамик байв. Эндээс л HTML тагуудыг яаж динамикаар ашиглах, Script Language ийн давуу тал болон дутагдалтай талыг ойлгож авсан юм. Мөн VB дээр DLL хэрхэн бичих, бичсэн DLL ээ ASP хуудаснаас хэрхэн дуудаж ажиллуулахыг сурч авлаа.

Сүүлд нь HITACHI д очиж төсөл дээр ажиллахдаа бидний хийсэн системийг маш олон хүн ашигладаг, сарын дотор л гэхэд 100,000 өгөгдөл ордог гэж мэдээд их баярласан. Сая өгөгдөл дээр хэвийн ажиллаж байгааг нь харахад сайхан л юм билээ.

2. JONE өгөгдөл боловсоруулах систем

2008-12-21T01:29:00.001-08:00

Энэ систем миний японд ирээд анхны ганцаараа бичиг баримтыг нь уншаад шинээр бичсэн систем. Энэ системийг бичих гэж их ч хичээсэн, жаахан ядарсан ч маш их туршлага хуримтлуулж авсан юм. JONE нь HITACHI Plant Technology компаний өгөгдөл боловсоруулах систем бөгөөд нэг системээс гарсан өгөгдөлүүдийг уншиж, боловсоруулаад өөр нэг систем рүү өгөгдөлийг нэгтгэх програм бичих ажил байв. Энэ систем нь Client, Server Application бөгөөд Visual Studio 2003 ийн VB.Net 2003 дээр програмчлах өгөгдөлийн бааз нь Excel, MS Access ийг ашиглах байв. Техникийн даалгавар нь 3 хэсгээс бүрдэх бөгөөд нэг нь л гэхэд 40 өөд хуудастай дэвхийсэн зузаан бичиг баримт. Анх хараад жаахан сүрдэж байлаа дүүрэн мэдэхгүй ханз гэтэл төлөвлөгөөг нь хараад золтой л ухаан алдаад уначихсангүй жижиг ч гэсэн бүхэл бүтэн системийг ганц хүн хийх төлөвлөгөө гэсэн чинь програм бичих нь 5 хан өдөр тест хийх, бичиг баримт боловсоруулахад нь 5 өдөр төлөвлөчихөж. Хэлтсийн дарга маань уучилаарай энэ төлөвлөгөө үнэхээр хэцүү төлөвлөгөө болчихлоо харилцагчид хүлээлгэж өгөх хугацаа нь тулчихсан учираас амжуулахгүй л бол болохгүй хичээгээрэй гэдэг юм байна үнэхээр арай л дэндүү юмаа гэхдээ одоо тэглээ гээд яахав за би хичээнээ л гэж хэллээ. Бичиг баримтаа уншаад юу хийхээ ойлгох гэсээр байтал 4 хоног нь талийгаад өглөө уул нь өдөр бүр орой 11 хүртэл ажиллаж байсан ч дүүрэн мэдэхгүй ханз болохоор уншиж ойлгоход үнэхээр хүнд байлаа. Програмчлалаа 5 дах өдөр нь нэг юм эхэллээ Visual Studio 2003 ийн VB.Net 2003 дээр програм бичиж байгаагүй болохоор жаахан санаа зовож байсан ч Syntax ийг нь ойлгочихвол асуудал байхгүй байлаа. Баазтайгаа холбоод өгөгдөлүүдээ харуулах, Excel ээс өгөгдөл унших зэргийг нь хийгээд явж байтал өнөөдөр програмын эхний модуль дуусах ёстой гэдэг юм байна за болохоо байлаа. Амжихгүй нь ээ гэтэл хагас бүтэн сайн өдөр ажилла гэж байна. Хагас бүтэн сайнд ажиллаад орой харих гэтэл маргааш өглөө харилцагчид хийсэн програмыг чинь үзүүлэх хэрэгтэй байна өнөө шөнө ажилла гэдэг юм байна тэгээд компьютерийн араас босолгүй 36 цаг ажиллаа. Нэгдэх өдрийн шөнө нэг гэрийн бараа харж нүдний хор гаргачихаад хоёрдох өдөр ажилаа хийж байтал програмын хоёрдох модуль нөгөөдөр өглөө гэхэд дуусах ёстой харилцагчид үзүүлэнэ гэдэг юм байна за тэгээд 2 бүтэн шөнө 3 н бүтэн өдөр цурам ч хийлгүй компьютерийн араас ч босолгүй ажиллаа. Монголд Төмөр замын удирдах газар ажиллаж байхдаа нойр хоолгүй явдаг л байсан гэхдээ арай ч 60 цаг компьютерийн араас босолгүй сууж үзээгүй. Нилээн ядарч байлаа толгой тархи хагас дүйнгэ болчихсон, нойр хүрхээ болиод гөлийчихсөн хүн л сууж байлаа нүд харин ухархайгаараа жаахан өвдөж байв. Хэлтсийн дарга маань бараг 7 хоног унтаагүй явж байсан 60 гарчихсан хүн гэхэд яахаараа тийм бие сайтай байдагыг би ойлгоогүй аргагүй л ажлын төлөө төрсөн жинхэнэ япон хүн юм даа гэж дотроо бодож байтал хүрч ирээд ядарч байна уу гэж асууж байна ичсэндээ зүгээрээ л гэчихлээ тэгсэн хэлтсийн дарга бусад хүмүүст хандаж ням сан монгол хүн асашоёрү шиг бие сайтай хүчтэй гэдэг юм байна дотроо баярлах шиг ч. За нэг юм 2 долоо хоног нойртой нойргүй гөлийтөл суусаны эцэст програмаа бичиж дууслаа.

Үргэлжлэлийг нь бичиж амжихгүй л яваад байна удахгүй бичнээ

4.HITACHI дээр очиж ажилласан анхны прожект

2008-12-12T06:20:00.000-08:00

Анх удаа харилцагч компани дээр очиж ажиллахаар болж хэлтсийн дарга маань дагуулаад л явлаа. Уул нь өдрийн цайны цаг болоод гарч дэлгүүрээс идэх юм авчраад идэх гээд сууж байсан чинь хэлтсийн дарга орж ирээд 13 цагаас уулзахаар цаг товолчихсон явья гэдэг юм байна тэгээд хоолоо ч идэж амжилгүй дагаад л алхлаа шинэ ажлын газар маань манай гэрээс нилээн зайтай 2 удаа дэнша (цахилгаан галт тэрэг) солиж сууж байж очдог Ооцука гэдэг өртөө байлаа. Дэнушанаас буугаад бол ойрхон 2 минут алхаад л очих газар. Ажллах газар маань 9 давхар барилгын 4-өөс 9 давхар хүртэл тэр чигээрээ 500 гаруй ажилчинтай HITACHI ийн нэг салбар Hitachi Plant Engineering гэдэг компани байв. Энэ компани дээр 5 хүний бүрэлдэхүүнтэй нэг прожект дээр ажиллахаар болов. Ажлын анхны хурал дээр хэн хэн ямар модуль хийх талаар ярилцав. Дэвхийсэн зузаан бичиг баримт авчраад л урд тавьчихлаа нийт хийх ажлын 4-н хэсэгт хуваачихсан аль модуль хиймээр байна гэж асууж байна. Юу ч гэсэн агуулгыг нь унших гэтэл арзайсан олон мэдэхгүй ханз уншаад ч гэсэн сайн ойлгохгүй бололтой. Надтай хамт ажиллах хүмүүс 3-н хятад, нэг япон хүн. Япон хүн нь төслийн удирдагч, прожектийн бичиг баримтыг бичсэн хүн харахад даруухан ноомой болов уу гэмээр залуу. 3-н хятадын 2 нь 30 дөхөж яваа залуучууд нэг нь 40 дөхөж яваа хүн байлаа. Нөгөө 3-н хятад хоорондоо хятадаар шулганалдаж байснаа прожектийн сүүлийн 3 модулийг хийнэ гээд сонгочихов. За ингээд хамгийн эхний модуль ямар ч сонголтгүйгээр надад оногдлоо төслийн удирдагч маань хамгийн хүнд нь чамд оногдлоо чадах уу л гэж асууж байна. Юу хийхийг нь хартал 2 систем дээр нэмэлт өөрчлөлт хийхээр байв. Нэг нь VB, Oracle дээр бичсэн Application-ний нэмэлт өөрчлөлт нөгөө нь ASP,MS Sql Server дээр бичсэн Web Application-ний нэмэлт өөрчлөлт байв. Web Application нь өмнө нь бичиж байсан системтэй төстөй систем байсан тул би энэ модулийг хийж чаднаа гээд л хариулчихлаа. Хийх ажилаа нарийвчлан тайлбарлуулж аваад ажилдаа орохоор боллоо. 3-н хятад хоорондоо хятадаар ярьж байгаад компани дээр гадаад хэлээр ярих хориотой гэсэн сануулага аваадхав. Төлөвлөгөөг нь хартал програмчлал нь 2 долоо хоног, ганцаарчилсан тест нь долоо хоног, нэгтгэсэн тест нь долоо хоног, бичиг баримт боловсруулах нь долоо хоног нийт 5-н долоо хоногийн ажил байв. Эхний өдөр цайны цагаар 3-н хятадтайгаа хоол идхээр явж байтал нөгөө 3 маань энэ төлөвлөгөө хэтэрхий хатуу төлөвлөгөө байна 3-н сар хийх ажлыг 5-хан долоо хоногт хийлгэх гэж байна амжихгүй гэж ярьж байх юм би ч дотороо амжихгүй бол яанаа гэж санаа зовж л байлаа. Энэ ажил бол миний хувьд маш чухал, хоолой дээрээ хутга тавиулчихсан байгаа мэт ирээдүйтэй маань холбоотой чухал ажил байлаа. Миний хувьд анх удаа харилцагч компани дээр очиж ажиллах гэж буй тохиолдол мөн харилцагч компани нь манай компаний хамгийн том харилцагчийн нэг бөгөөд намайг цаашид харилцагч компани дээр очиж ажиллаж чадах нь уу үгүй юу, хэлний мэдлэг нь хэр болсон байна гэдэг шалгуур байсан учраас энэ ажлыг маш сайн хийхгүй бол болохгүй ажил байв.

Эхний модуль

Web Application-ний ажиллагааг хянах модуль байлаа. Тухайн систем нь Үйлчилгээний удирдлагын систем гэдэг Web Application бөгөөд 2001 оноос хойш хөгжүүлэгдэж байгаа 300 гаруй хуудастай бөгөөд сая өгөгдөл дээр торохгүй ажиллаж байгаа маш сайн бичигдсэн нилээд том Web Application. Удирдлагын програмаас Үйлчилгээний удирдлагын системийг ашиглахыг хориглох, өгөгдөл харах, оруулах, борлуулалт хийх хугацааны хязгаарлалтуудыг оруулж өгөх бөгөөд турхайн системийг ажиллаж байхад дээрхи үйлдэлийг хориглосон хугацааны хязгаарлалтанд ойртож байвал тухайн үйлдэлийг хэдэн минутын дараа хориглох вэ гэдгийг анхааруулах хэрэв хориглосон хугацааны хязгаарлалтанд орчихсон байвал тухайн үйлдэлийг ашиглахыг хориглох модуль бичих байв. Энэ модулийг Include хэлбэрээр зохион байгуулаад Serverside script дээр биччихлээ. Serverside script ээс Messagebox харуулахад хүндрэлтэй байдаг бөгөөд тэрийг Response ашиглаж шийдэв. Ер нь Response-ийг Debag хийх болон олон талаар ашиглаж болох юм.

Бусад ажлууд маань ч нэг их асуудал байсангүй 2 долоо хоногт хийх ажлыг нь 3 өдөрт гялалзуулчихав. Төслийн удирдагч маань хүрч ирээд би ASP сайн мэдэхгүй ASP сайн мэддэг хүн таарч намайг аварлаа маш их баяраллаа гэж байхын( хэ хэ миний ASP сайн мэдэх гэж юу байхав. юу ч мэдэхгүй хүн японд ирээд нэг систем дээр ажиллахдаа хальт ойлгож л авсан төдий), 3-н хятадыг мэдэхгүй зүйл байвал надаас асуу гэж хэлсэн ч ичсэндээ ч тэр юмуу асуухгүй л байгаад байлаа. Гэтэл нэг өдөр асууж байнаа тэр асуудалаа шийдэж чадахгүй 2 хоносон байгаа юм ядаж байхад надаас асуухаасаа ичээд асуухгүй л байгаад байсан юм билээ. Гэтэл нэг хурал дээр хамгийн сайн ажиллаж байгаа нь намайг гээд хэлчихсэнээс хойш 3-н хятад маань надад илт дургүй болчихов. Миний хийсэн зүйлээс алдаа олох гээд л өө хайгаад л гэтэл нэг алдаа олчихоод бөөн баяр хөөр болоод л над дээр төслийн удирдагчыг дагуулаад л ирдэг юм байна. Тэгэхээр хамт сууж байгаад л хаана алдаа байгааг нь хайлаа гэтэл өөрийнх хийсэн зүйл дээр алдаа гараад ирэв нөгөө хятад маань муухай царайлаад л дуугай яваад өгөв. Барьцана, атаархана гэдэг хүн болгонд л байдаг зан байх л даа гэхдээ хятадууд үнэхээр муухай санаатай улсууд энэ талаар бичих гээд нилээн юм дэвтэр дээрээ биччихсэн байгаа ч блог дээрээ бичих зав гарахгүй л яваад байна дараа нэг сайхан нартай өдөр бичнээ.

Зовсоны эцэст жаргана гэж HITACHI дээр сар гаран ажилласан төсөлөө амжилттай дуусгаж нэг ч гэсэн алхам урагш алхав. Энэ удаагийн төсөл дээр сайн ажилласан учраас дараагийн төсөлд авч ажиллуулана гэж хэлтсийн даргаас нь сонсчихоод жаахан ч гэсэн урам орлоо.

Үргэлжлэлийг нь бичиж амжихгүй л яваад байна удахгүй бичнээ

Ажлын тухай

2008-12-08T03:21:00.000-08:00

Ажил мэргэжилийн талаар нэг ч юм бичээгүй юм байна чадах ядахаараа бичиж байнаа. Энэ удаад японд ирсэнээсээ хойш хийж байгаа ажлынхаа талаар бичхээр шийдэв. Би гэдэг хүн япон гэдэг улсад ирээд нэг мэдэхэд л 7 сар болчихжээ. Ирээд эхний нэг сар бол хэлний шоконд орчихсон ажил амьдралтай нь дасах гэж мунгинасаар байтал өнгөрсөн. Ядаж байхад компьютерийнх нь бүх програм хангамж нь япон хэл дээр хаана нь юу байгаан бүү мэд. Эхний хэдэн өдөрт нэг өдөр нэг хүн ирээд л өмнө юу хийж байсан ямар програмчлалын хэл үзэж байсан гээд л шалгааж өгнө. Баахан юм асууж асууж дуусахаар програмчлалын талаар ганц нэг ерөнхий ойлголтын талаар хичээл заана тэгээд хоолонд хамт явж хоол авч өгнө. Дараа нь мэдэхнээ тэр хүмүүс нь хэлтэсийн дарга нар маань байсан юм билээ. Би ирсэнээсээ хойш одоогоор 4 прожект дээр ажиллаад байгаа бөгөөд хүмүүст сонирхолтой байж магадгүй гэдэг үүднээс ажиллаж байгаа прожектынхоо талаар нэг нэг бичлэг болгож бичие гэж бодлоо. Дараах бичлэгүүдээс ажиллаж байгаа прожектуудын маань талаар уншаарай.

247 дох зочин

2008-12-07T05:23:00.001-08:00

Блогынхоо 247 дох зочинд монголоос гоё бэлэгтэй ирнэ. Монголд байгаад нь гоё бэлэгтэй очино. Блогыг маань олон хүн мэдэхгүй бөгөөд миний хамгийн дотно хэдэн найз нар маань мэдэж байгаа. Он гаргаад жаал мэдээ мэдээлэл оруулж засаж янзлаж байгаад нийтэд дэлгэнээ. Санал бодолоо хуваалцаж урам өгч байдаг та нартаа баяраллаа.

Жавхлан - Хайрлаж болохгүй хайр

2008-12-05T20:28:00.000-08:00

Бараа найз нь очоод энэ дууг дуулна шүү түрэхэд бэлдэж байгаарай

Анд Д.Бямбадорждоо баяр хүргэе!

2008-12-02T03:55:00.000-08:00

Анд найз Даваадоржийн Бямбадорждоо
Сайтамагийн IT нийгэмлэгээс зарласан вэб сайтын уралдаанд тэргүүн дэд байр эзэлсэнд халуун баяр хүргэе!

Тус уралдаан нь бага сургууль, дунд сургууль, ахлах сургууль, дээд сургууль, компанийн ажилтан гэсэн ангилалаар явагдсан байна. Найз маань дөнгөж их сургуулиа дүүргээд японд ирж ажиллаж байгаа бөгөөд ирээд 6 сар ч болоогүй ийм амжилт гаргасанд найзаараа үнэхээр бахархаж байна. Чамайг олон олон амжилт бүтээл гаргана гэдэгт найз нь итгэл төгс байна. Найзынхаа цаашидийн ажил үйлсд нь өндөр амжилт хүсэе!
Дараа үргэлжлүүлж бичнэ...

Нутгын минь цэнхэр тэнгэртэй адилхан юмаа

2008-11-29T23:49:00.000-08:00

Гадуур салхинд алхангаа хэдэн зураг дарлаа.
Canon PowerShot G10

Зурагчин болох эхлэл

2008-11-29T06:03:00.000-08:00

Canon PowerShot G10

Хайр гэж...

2008-11-22T04:41:00.000-08:00

Б.Ганзориг : Хайр гэж...

Хар багадаа хайрласан бүсгүй минь
Хожмын өдрийн дурьтгал битгий байгаач
Чамд өгсөн сэтгэлээ анхны цас шиг цагаахан гээд
Чамаас олсон бүхнээ өөрт минь ирсэн аз жаргал гээд

Хайрын төлөө үхтлээ тэмцэнэ
Хамаагүй ээ чи надад дурлахгүй байсан ч болно

Нүдэн тойромоосоо нулимсан сувд бүү унгаарай
Нууцхан цохилох зүрхний минь цохилтыг битгий тоолооч
Сэтгэлээсээ чамайг явуулж чадахгүй болохоор
Сар жилүүдийг амьдрал надад гэгээн байдаг

Дурлалын төлөө үхтлээ тэмцэнэ
Дуугүй зөрөөд өнгөрсөн ч чамайг би хайрлах л болно

Хүслийг минь гуниг нөмөрдөггүйн учир
Чамд өгсөн хайр минь балардаггүй юм
Хэзээ нэгэн цагийн босгон дээр
Чамаар хайрлуулах тэр мөчийг хүлээнэ

Амьдралын төлөө үхтлээ тэмцэнэ
Аадар бороо шиг...

Баяртай

2008-11-22T04:37:00.001-08:00

Б. Батзаяа : Баяртай

Чи яваад л одсон би гуниг тэврээд үлдсэн
Чийглэг уруулыг чинь санахдаа би зүгээр л санаа алдсан
Чи яваад л одсон би гав ганцаараа үлдсэн
Чиний тухай дурсамжуудыг зүрх минь даалгүй ганцаардсан
Чи яваад л одсон

Салхи шиг он жилүүд зүрхэнд хэвээрээ
Зун шиг байна
Сарних бодлын гүнд гуниг төрөх нь
Намар шиг байна
Салахдаа хэлсэн үг чинь сэтгэлд хүйтэн
Өвөл шиг байна
Санахын тоогоор чи надаас холдох нь
Хавар шиг байна

Анхны минь учрал сэтгэлд минь ургасан
Цэцэг шиг байсан
Анхны минь хайр зүрхэнд минь нахиалсан
Навч шиг байсан
Анхны минь үнсэлт агаар мэт цэнгэг
Цас шиг байсан
Анхны минь хагацал гэгээхэн гунигтай
Бороо шиг байна

Чи яваад л одсон би гуниг тэврээд үлдсэн
Чийглэг уруулыг чинь санахдаа би зүгээр л санаа алдсан
Чи яваад л одсон би гав ганцаараа үлдсэн
Чиний тухай дурсамжуудыг зүрх минь даалгүй ганцаардсан
Чи яваад л одсон

Цэцэгс

2008-11-20T05:53:00.000-08:00

Аялалаар явж байхдаа авсан зурагнууд

Зүгээр л нэг амьдрах юмсан

2008-11-20T05:19:00.000-08:00

Зүгээр л нэг амьдрах юмсан
Заяа нийлсэн ханьтай болчихоод
Зөвхөн түүндээ бүхэнээ зориулж
Зүгээр л нэг амьдрах юмсан

Амьдралдаа ганц тохиох хайртийгаа
Амь шигээ хайрлаж халамжилж
Алаг хорвоод ханьсан жаргах
Амьдралын харгуйгаар хамт алхах юмсан

Эгэл даруу ч гэлээ инээд цалгисан гэртээ
Эзэн нь юм шиг тухлан суучихаад
Энхрий бяцхан үрсээ эрхлүүлж
Энгэрээдээ мацуулж суух юмсан

Энхрий бяцхан үрсдээ
Эд хөрөнгө биш эрдэм номыг өвлүүлж
Элбэрэл хайраар дутаахгүй өсгөсөн
Эцэг эх шигээ сайн эцэг эх болох юмсан

Булбарай бяцхан үрсээ
Бүтэн хайраар өлгийдөж өсгөх юмсан
Бүхүй л хайраа гэргийдээ зориулж
Бие биендээ уусаж амьдрах юмсан

Хоёр идэлгүй
Хоосон хоночихолгүй
Хүнээ илүү ч үгүй дутуу ч үгүй
Хүссэнээрээ зүгээр л нэг амьдрах юмсан

Программистыг хэн төрүүлдэг вэ ?

2008-11-20T04:57:00.000-08:00

(хошин өгүүллэг)
Японд сайн программистыг хэдэн дээд сургууль дамжуулан бэлддэг. Ингэхдээ тэд иень гээч мөнгөө хэдэн живаагаар нь баруун солгойгүй цацаж бөөн үрлэг зарлага болж, өр шир тавина.
Шаварчны хүү шаварчин, программистын хүү программист болно гэсэн үзлийг хятадууд ягштал мөрдөнө. Тэд хэдэн үе дамжуулан өч төчнөөн зоос үрж байж программын нарийн ширийн мэдлэгийг хуримтлуулж авамшаа болно.

Арайхийж! Тэр мэдлэгээ үхэхийнхээ өмнө төрсөн ганц хүүгийнхээ баруун чихэнд аяархан шивнэдэг. Ингэхдээ цус нус, цагаан улаан бөөмийн хэдэн төрлийн шинжилгээнд давхар давхар оруулж хоноцынх биш эсэхийг нь дахин дахин магадалдаг.
Харин Монголд бол шал өөр. Программист байгалийн жамаар өөрөө бүрэлдэн буй болно. Бүр тараг мэт бүрэлдэн иснэ.
Жинхэнэ монгол ээж Долгор, хүү Дондогийгоо хотны захад хаячихаад хонио саана гээд арилж өгнө. Ой дөнгөж шүргээд байхад нь шүү дээ! Дондог дураараа тарвалзана аа. Атга шороо авч амандаа хийнэ. Зажилж үзнэ. Залгиж ч үзнэ. Улаан хоолойг нь үзүүр ёзоортой чулуу часхийтэл урж сандаргана. Гай үүгээр зогсохгүй ээ. Нарийн шороо шүлсэнд зуурагдаад хоолойд наашаа ч үгүй, цаашаа ч үгүй тээглэхийн цагт пүсхийтэл хахаж цацан байдгаараа орилж, сүйд майд болно.
Ингээд л нэг настай Дондог хүүгийн бяцхан тархинд чулуу, шороо, элс, үнс, хоргол, хомоол, хар хорхой, тэмээн аалз, өмхий тонгой… гэх зэрэг өгөгдлүүдээс залгиж болдог ба болдоггүйгээр эрэмбэлсэн алгорифм дараалал бүрэлдэн буй болно. Программист Дондог эхний шалгалтаа 69 “D” өгчих нь энэ.
Тэгж байснаа хүү тэнтэр тунтар алхаж эхэлнэ. Улайдталаа халсан зуухны хүхээгт алгаа нааж аюул болно. Буцалж байгаа цагаанд хуруугаа дүрээд часхийтэл орилж, өнөөх нь цэврүүтэж, баалж, уйлаан майлаан шаналан энэлэн хэдэн өдөр үргэлжилнэ ээ, базарваань. Захиалагч талаас тогтоож өгсөн “дулааны хэм” хэмээх нөхцөлт хэмжигдэхүүн хүүгийн баруун гарын алга, зүүн гарын долоовор хуруун дээр насан туршид нь арилшгүй сорви үлдээх нь энэ. “Ий халуу-у-н!” гэх эцэг эхийн анхааруулах дохиог сонсмогцоо логик дараалал бүхий үйлдлийн системийн дагуу гараа нуудаг болно! Программист Дондог хоёр дахь шалгалтаа 78 “С” өгчихлөө.
Есөн нас гэдэг ерөөсөө гуйгаагүй байхад дайраад л ирнэ. Долоогийн “А”-гийн Сугар ах арилжаа шаргыгаа унуулж, арааны шүлс асгаруулсан мөсөн чихрээ харамгүй эмтэлж саймширна. Тэгээд тэр Дондогийг “За ахын дүү, ёстой сэргэлэн ш дээ!” гэж хошгируулна. Саахалт айлын Чимгээд гоё гэгч дөрвөлжилж эвхсэн захидал атгуулах төслийг Дондогийн гараар хэрэгжүүлэх гэснээс л тэр. Сугар “Хэрвээ Чимгээгийн дэргэд аав нь байвал болохгүй, ээж байвал нүдийг нь хариулаарай, том эгч байвал ойртсоны ч хэрэггүй шулам шүү цаадах чинь!” хэмээн захина. Мөсөн чихрийн авилга авсан юм болохоор Дондог хүү саахалтынх руугаа зориг муутай алхахаас өөр аргагүй. Алхаж явахдаа “Аав нь байх юм бол худлаа бор үрээгээ асууна, ээж нь байвал Чимгээ рүү дөхнө…” гээд л үйлдлийн дараалал, хариу үйлдлийн системээ боловсруулсан шиг ээ, айдсаа умартана. Сугарын шуудангийн ногоон онгоц болж ээ явтал Дондог программист гурав дахь шалгалтаа 80 “В” дүнтэй давчихсан байна шүү дээ.
Дондог хүү өглөө босох бүртээ нэг шинэ программ бодож олох зайлшгүй шаардлага тулгарна. “Чөдөртэй морьд хаа хүрсэн бол?” хэмээх энэ бодлого тоо томшгүй олон шийдэлтэй. “Хул морь дагуулсан бол баруун хойшоо явсан байгаа” ч гэх юм уу, “Мөрийг нь харахад бөгтөр буурлын зүүн урд хөлийн чагт мултарчээ. Өрөөлдөөд сул юм шиг алга болсон байгаа даа” гэж бодогдоно. Эсвэл “Өндөр хээрийг услаагүй чөдөрлөчихсөн, хойд гол руу орчихоо вий” гэж толгой гашилгана. Өглөө бүр л программ зохиох дасгал ажиллаад 85 “В” аваад байгаа хэрэг.
Дондог нэг л мэдэхэд арван тав хүрч хонинд явдаг болсон байна. Саахалт айлын Алимаад хэт шохоорхоод, хонио дэндүү ойртуулснаас нийлүүлж, авгайчуулын хараалыг барна. Дамбий гуайн айхавтар бухаж тонгочдог улаан бярууны толгойд бугуйлаа чиргүүлж тавьчихаад бас яана гээч. Хойд голын Болдоотой мөрийцөөд, алаг үрээгээрээ эрэг рүү харайлгаж байгаад эмээлээ чиргүүлж тавьчихаад үзээгүйгээ үзэх бас энүүхэнд.
Энгийн, нийлмэл, давталттай, давталтгүй гээд энэ бүх үйлдлүүд ганцхан хариун дээр очиж зангилагдана. Тэр нь юу гээч? Аавын чөдрийн гувруу татсан ороолголт! Аманд цус амтагдах шиг болж, ганц хариу бүхий олон үйлдлийн систем ч гэнэ үү мэргэжлийн ойлголт орой руу шурдхийтэл гулсаад ирнэ. Программист Дондог дөрөв дэх шалгалтаа 99 “А” өгчих нь тэр.
Дэлхий дахинд компьютерийн сураг дөнгөж л гарч байсан жар далан онд ийнхүү Дондог хэмээх авьяаслаг программист Монгол газар шороон дээр байгалийн жамаараа бүрэлдэн буй болсон түүхтэй байх юм. Монгол цусны программистууд үнэд орж, манай галактикийн од гариг бүхнээр нэг таран ажиллаж байгаагийн учир ийм буюу.
Дэлхийн программ хангамжийн акул компаниуд монгол программист Дондогийн төлөө үхэлдэж байна шүү дээ цаана чинь!

Эх сурвалжийг http://www.biirbeh.com оос иш татав.

Аавдаа

2008-11-10T05:44:00.000-08:00

Ааваа хүү нь таныхаа
Хазгайлж болохгүй титэм шиг нэрээр тань овоглож яваа
Хаан заяат нэрийг чинь хүү нь өндөрт өргөж явахаа амлая

Ц.Хулан
Аавдаа

Сайхан залуу аавынхаа тэргүүнд буурал орсныг анх үзээд
Саваагүй томоогүй хүүхэд насаа би тэр жилийнх нь шувуудтай хамт буцаасан
Санчигт нь нэмэгдэг мөнгөн сор нь тоогоор жаргана даа гэхэд
Санаагаар даанч болохгүй юм ааваа.

Бүүвэйтэй хонгор жилийн минь тухай мэдээж олон
Бүдэгхэн гардаг зураг шиг санаатай хийдэг алдаа шиг
Бүхий л орчлонд харин аавын минь ач гэж дуулдаггүй
Бүгдийнх нь аав ямар миний аав шиг биш дээ.

Амттай зөөлөн хоёроор баярлуулдаг муу ээжий л минь
Айлын тавагаас чихэр хармаалж шараа болгооно
Аав минь тэгэхгүй, алаг чулуу хээрээс хормойлж хүүдээ зүслүүлнэ
Алсын замд уулсын нэр тогтоолгож ухаан нэмнэ
Ээдрээнт мянган харгуй төрсөн гэрийн гаднаас эхэлж
Эмээл дээрээ соёмботой унаган хүлгийн нуруунаас атгаж
Сансарт хүү нь нисэх юм шиг санаж ээж нар сацлаа өргөж үлддэг.
Саахалт ороод эргэх юм шиг санаж аав нар духыг нь ганц үнэрлэдэг
Атгаж ижий нар өдөржин радио шиг үглэнэ.
Амьдралд зөвхөн үнэнийг хэлэх гэж
Аав нар сумны үүзэл шиг хааяа дуугарна,
Бие өвдлөө гэж ээж нар хүүхдээ аргагүй нэг айлгадаг,
Битүүхэн дотроосоо норж аав нар чимээгүйхэн өтөлдөг.
Үхэж болохгүй тушаалаа авсан цэрэг шиг
Үр нь хөлөө олтол цоо эрүүл шиг жүжиглэдэг
Ачийг тань хариулна гэж олон жил би худлаа ярилаа
Ачийг нь гаргаж өгчихөөд харин нэг гавьяатан шиг
Сөөг сөөх гэж хэвтүүлээд номхон тэмээ ноолон шиг
Сөөсгөр хэдэн бацааны өмнө хөгшин аавыгаа түлхүүллээ.
Гараа өргөж дайсандаа үг дуугүй бууж өгөх шиг
Гарцаагүй том алгаа дэлгэж та тэднийгээ хөтөлнө,
Газар дэлхийд уянгатай ийм найрагч байтлаа
Ганзагагдсан хэдэн зээтэйгээ хамт хэдэнтээ хэлд орно
Гадаа навчис эргэж он жил биднийг унасан навч шиг орхино,
Гайгүй дээ би аавыгаа жаргааж гэж өөийгөө хуурна.
Ганцхан зүрхний чинь цохилт намайг зэмлэн цохиолж
Газар дээр аав минь хүртэл мөнх бишийг сануулдаг
Хазгайлж болохгүй титэм шиг нэрээр тань би овоглосон
Өргөст орчлонд хүү нь бүдчээд уйлж суухын цагтаа
Өлгийг минь сийлсэн аавтай болохоор амьд явж чаддаг аа.

2008-11-09T05:33:00.000-08:00

ここにいるよ feat.青山テルマ - SoulJa
作詩：SoulJa 作曲：SoulJa

※Baby boy わたしはここにいるよどこもいかずに待ってるよ
You know dat I love you だからこそ心配しなくていいんだよ
どんなに遠くにいても変わらないよこの心
言いたい事わかるでしょ?
あなたのこと待ってるよ※

不器用な俺遠くにいる君
伝えたい気持ちそのまま言えずに君は行っちまった
いまじゃ残された君はアルバムの中
電波でしか会えない日々だけど見えないぜ君の微笑み
君のぬくもり髪の香りこののどの渇きはそのまま満たされずに
過ぎてく日々の中なんだか君の面影ひたすら探した
君とよく歩いたあの道は今俺だけの足音が響いていた
んなことよりお前の方は元気か? ちゃんと飯食ってるか?
ちくしょう、やっぱ言えねえや
また今度送るよ俺からのLetter

(※くり返し)

鎌倉の砂浜で見た君の姿波にのまれた君に言いたい言葉
なんだかマジせつねぇ男なのになんで…言葉出てこねぇや
覚えてますか?君と行ったカラオケの中
俺が入れた曲の言葉モニターに浮かんだまま
ほんとは君に伝えたかった
君と二人きりで初めて待ち合わせをしたあの日
まるで偶然に会ったかのようにはしゃぎ
微笑む君が忘れられないって
話かなりそれちまったがわかるよな?俺が言いたい言葉
S**t 残り書く場所がねえや
ごめん次は絶対に送るから

(※くり返し)

俺がもっと金持ちだったらもっとまともな仕事をしてたら
もしもすべて犠牲にできたのなら俺は絶対に君を…
だがPlease勘違いだけはすんな君に寂しい思いはさせたくねぇが
忙しい中あんま話せねぇが
baby believe これは all for our future
But 正直今すぐ君と会いたい今すぐ抱きしめてやりたい
昔君が俺の隣で座ってた席にはもう誰もいないって…
まぁそんな事はいいんだ言いたいことはそんなんじゃねぇんだ
いまさらだがずっと言いたかった言葉を込め送るUnsent letter

Baby girl わたしはここにいるよどこもいかずに待ってるよ
You know dat I love you だからこそ心配しなくていいんだよ
どんなに遠くにいても変わらないよこの心
言いたい事わかるでしょ?
あなたのこと待ってるよ

Baby boy わたしはここにいるよどこもいかずに待ってるよ
You know I love you だからこそ心配しなくていいんだよ
どんなに遠くにいても変わらないよこの心今なら素直に言えるよ
I don't eva wanna let you go

The Power of love

2008-11-07T20:11:00.000-08:00

The Power of love By:Celine Dion -Titanic Version

Ганцхан ээждээ унших шүлэг

2008-11-04T03:41:00.000-08:00

Ц.Хулан

Ганцхан ээждээ унших шүлэг

Намрын уулнаа бугын урамдахыг сонсоорой
Намайг ухаажихыг үзэх гэж ижий минь та урт наслаарай
Манцуйдаа ирж таныг би ганцхан удаа баярлуулсан
Магадгүй тэрнээс хойш дандаа зовоосон байх

Ганцхан намайг гэж ижий та
Газар дээр минь хичнээн увидастай тєрсєн юм бэ?
Бариувчийг минь эсгэж, хуримын ємсгєл чимэглэж
Балчраас минь єдийг хүртэл та оёдолчин явлаа
Оточ маналын хувилгаан ийм байдаг уу гэлтэй
Орон дээрээс минь алгасалгүй тонгойж
Дэрэн дээр намайг бүлээрч хонох болгонд
Дэлхийд хамгийн сайн эмч минь та байлаа
Аягаа эвдэн, эрхэлж ядсан намайг
Аргадсандаа алиалагч болж ємнє минь эргэлдсэн
"А" үсэг бичих гээд будилж цєхєж суухад минь
Алдаатай байхад нь улаан цайм онц тавьдаг багш минь
Цаг оройтсон болзооноос эргэж ирэхэд
Цагдаа, эсвэл үүдний манаач
Сар нарны ээлжгүй гал сахисан тогооч
Сангийн бойпорт арц уугиулж маань уншсан лам аа…
Шүхэр тэнгэрийн дор алдаж эндэх тоолонд минь
Шүүхийн тогтоол уншдаг яллагч нь та мєртлєє
Даамай их хайр тань аанай л хэвээрээ
Давж заалдсан ємгєєлєгч болж зовлонгоос намайг суллана аа
Жигжид бурхныг олон мутартай гэлцэнэ
Жижигхэн энэ бие чинь түүнээс ч олон гартай
Элбэг их хайр, Ээжий гэдэг нэр тань
Энэ орчлонгоос авсан хамгийн том алдар аа
Зүүний сүвэгчээр ч багтах он жилийн урсгалд
Зүгээр л дэргэд минь байж хайрла
Ижий гэж дуудах болгондоо баярладаг
Ижил хэдэн хүүхэддээ урт насалж хайрла!

Чамайг л гэсээр

2008-11-03T03:57:00.000-08:00

Бичүү
Чамайг л гэсээр
ТАТАХ

Хайрт минь ... Дуу минь
Сэтгэл сүлсэн дуу минь ээ
Сэрмээргүй гэгээн зүүд минь ээ
Дурласан сэтгэлийн шаналан минь чамайгаа
Дуулан хайлан хүлээн суунаа
Чамайг гэсээр хайрандаа халамцуухан яваагаа би
Цэцэг цэцгийн чихэнд би
Шивнэмээр байна

Дууны Цагаан нулимс минь ээ
Дурлалын хөнгөн гуниг минь ээ
Дуусашгүй хайрын бороо минь чамайгаа
Дуулан хайлан хүлээн сууна
Чамайг гэсээр хайрандаа халамцуухан яваагаа би
Цэцэг цэцгийн чихэнд би
Шивнэмээр байна

Хорвоод хосгүй цэцэг минь ээ
Дууг минь хөгөлсөн нүдэн минь ээ
Биелээгүй нууцхан мөрөөдөл минь чамайгаа
Дуулан хайлан хүлээн суунаа
Чамайг гэсээр хайрандаа халамцуухан яваагаа би
Цэцэг цэцгийн чихэнд би
Цэцэг цэцгийн чихэнд би
Цэцэг цэцгийн чихэнд би
Шивнэмээр байна
Сэтгэл сүлсэн дуу минь ээ
Сэрмээргүй гэгээн зүүд минь ээ
Дурласан сэтгэлийн шаналан минь чамайгаа би
Дуулнаа

Найзуудаасаа уучлал гуйяаа

2008-10-17T20:10:00.000-07:00

Найзуудаасаа уучлал гуйяаа найзыгаа уучилаарай

Би гэдэг хүн найз нөхөдөөрөө тоглоом шоглоом хийх дайжигнах дуртай хүн л дээ тэр маань харин хэтрээд найз нөхдөд маань эвгүй санагддаг байсаныг өдийг хүртэл мэдэлгүй явж. Тоглоом шоглоом хийж, дайжигнаж гомдоож байсан бол уучилаарай найзуудаа үнэхээр уучилаарай.

Надад арлын япон улсыг алс ирээдүйн зорилгынхоо төлөө хамт зориж ирсэн 4 н сайхан найз байнаа монголд бас 3 н сайхан найз маань байгаа. Бид хэд гарын таван хуруу шиг сайхан найз нөхөд. бодоод байхад би эрхий хуруу нь юмуу даа арай ахмад нь сүхээ долоо бор хуруу нь бямбаа дунд хуруу нь биднээс хамгийн өндөр нь, сүүгий ядам хуруу боко чигчий хуруу нь гэж зүйрлэж болох юм шиг байна. Хэдүүлээ нэг гарын таван хуруу шиг эв нэгдэлтэй, хэн хэндээ түшигтэй явж ирсэн явсаар ч байх болно бид эвтэй байхдаа хүчтэй.

Бид хамтдаа инээж хөөрч бас эх орон ээж аав элгэн саданаа санаж яваа эхэндээ элдэв зүйлээр бие биенээ шоолж бодох бодохгүй үг нэг нэгэндээ хэлж байсан байнаа харин өнөөдөрөөс бие биендээ урамын үг хайрлаж урамаар тэтгэж явья гэж найз нь бодлоо. Ирээд удаагүй байхдаа эх орон ээж аав элгэн саданаа санах нь бага хэрийн үгийг үг гэж тоодоггүй л байж одоо бол бид харин хэн хэн маань эх орон ээж аав элгэн саданаа их санажээ сэтгэл зүрх маань ч эмзэг болж ийм л үед бид бие биендээ урамын үг хайрлаж урамаар тэтгэх чухал гэж найз нь бодож байна. Та нарынхаа ачаар л найз нь стрессд орчихолгүй хүний нутагт хүсэл зорилгынхоо төлөө тууштай тэмцэж явнаа. Найз нартаа маш их хайртай шүү.

Тиймээс тоглоом шоглоом хийж, дайжигнаж гомдоож байсан бол уучилаарай найзуудаа үнэхээр уучилаарай дахин дахин уучилалт хүсэе!

Санаа нийлэх нэгнээ олны дундаас олж
Сайн мууг нь таниад анд найз бололцож
Сартай нартай хорвоод бодлоо хуваалцан нөхөрлөн
Салахгүй шахам ханьсаад биесээ түшин явдаг
Анд найз гэдэг ховор олдох эрдэнэ
Авааль эхнэрээс дутуугүй надад эрхэм байдаг
Найз нөхдөөр минь хэн нэгэн намайг дүгнээд гарна
Насны зөрүү хамаагүй сайн л найз байвал...

Анд найз нартаа Ц.Хулан

Алаг дэлхийд намайг ганцаардал бүү үзэг гэж
Ашгүй бурхан гар таталгүй хайрласан
Амины хэдэн нөхөдтэй билээ би
Цэцэг шиг залуу насандаа бид инээлдэж уулзлуу
Цэнгэл найрын дунд гар сунгаж танилцлуу
Цэцэн шүлгээр тургиж сум шиг нисэж эсвэл
Цээжинд хүнд оргиод уйлж суухдаа би та нарыгаа дуудлуу
Яасныг санамаар байна хэдхэн найзаа яримаар байна
Яруу найрагчын зүрх нөхөрлөл хайрын данс юм
Алтан үсэгээр бичиж, титэм хийж өмсмөөр
Анд нөхөд минь миний цорын ганцхан гангараа юм
Будант Богдын орой ертөнцийн гунигт цэг дээр
Буугаад нисэх шувууны жигүүрт би атаархдаггүй
Буруудаж зөвдөж, дутаж, сагаж явлаач
Бусад нь яах вэ? Анд нөхдөөр би дутаагүй
Намрын усан бороо яндан дагаад урсхад
Найзынхаа дэргэд дулаацах гэж би гэрээсээ гардаг
Нанчид бүлээн цай хаанаас ч олддог орчлон дээр
Найзынхаа гараас хор уугаад сэхэх гэж би яардаг аа
Дайнтай цагын тэнгэр мэт бараан нь голдуу амьдралд
Дайзтай сум шиг эгнэж явлаа ч нөхөд минь цувж одсоор байна
Шархадсан зүрхийг минь ертөнцийн ямарч рашаанаар анагаахгүй
Шарлынх нь цэцгийг үнэрлэж нэг тайтгардаг аа
Шүлгэндээ тавих эцсийн цэг миний нөхдийн нулимс юм
Шүтээндээ бурхантай цуг залах нь миний нөхдийн хөрөг юм
Шүүх эцсийн цааз миний нөхдийн үнэн гашуун үг юм
Шүүдэртэй талд намайг тавих нь миний нөхдийн л мутар юм аа

Найз нартаа

Алаг дэлхийд намайг ганцаардал бүү үзэг гэж
Ашгүй бурхан гар таталгүй хайрласан
Амины хэдэн нөхөдтэй билээ би

Алтан үсэгээр бичиж, титэм хийж өмсмөөр
Анд нөхөд минь миний цорын ганцхан гангараа юм

Би анд нөхөдөөрөө бахархаж амьдардаг

Би дэндүү сайхан хүмүүсээр хүрээлүүлдэг болохоор

Би инээмсэглэж явдагаа

Найздаа төрсөн өдрийн баярын мэнд хүргэе!

2008-10-17T19:14:00.000-07:00

Хорвоод мэндэлсэн хосгүй баярын өдөр нь тохиож байгаа найз Сүрэнжавтаа төрсөн өдрийн баярын гал халуун мэнд хүргэе!

Час хийсэн нарийхан хоолойгоор орчлонд ирснээ зарлахад чинь
Чамайг л гэж ээж чинь зовлон бүхнээ мартсан байлгүй
Чимээгүй болохгүй улам чанга чанга уйлахад чинь
Чамайг аргадах гэж аав чинь сандрахдаа ээжийг чинь үнссэн байлгүй

Ээж аавдаа эрдэнэ болон төрсөн энхрий бяцхан охин чиний
Энэ биеэ олж төрөөд эргэж ирж хөрвөөх газар чинь Монгол улсаа
Эгэл биеийг чинь төрүүлж өгсөн эцэг эхийн чинь өлгий нутаг
Эх орон чинь гэвэл элэг зүрхнээс хэзээд уяатай байх Монгол улсаа

Бүлээн цус нь судсаар чинь урсах Эзэн Чингисийн удам

Бүртэ Үжиний үзэсгэлэн ухаарлыг дагуулсан Монголжингоо
Бүүвэйн дуу аялан аялан өсгөх ээжийнхээ уянгын эгшиг
Бүхнээс илүү аавдаа эрхлэн айлгаж тунирхах охин ааль

Ийм л сайхан хувь заяаг эдлэхээр бүсгүй хүн төрдөг байлгүй
Ихэмсэг бөгөөд ухаалаг байхын учрийг ээжээсээ сурдаг байлгүй
Ихийг бүтээж Эх орноо хайрлахыг эцгээсээ өвлөдөг байлгүй
Ирж буцах цагийн эрхэнд удахгүй чи том охин болноо .........

Найздаа төрсөн өдрийн гал халуун мэндийг хүргээд
Нар гэрэлтсэн энэ хорвоод насаа залуужтал инээ
Гэрэл гийсэн гэртээ, жаргал хуртал инээ
Зүүд нойрон дундаа хайртийгаа тэврээд инээ
Зүрх сэтгэлдээ хэн хэнийгээ хайрлан инээгээрэй

Ирээдүй өөд инээмсэглэж яваарай

Инээд хөөр баяр баясглангаар бялхаж яваарай миний найз

Урагшилах амьдрал чинь

Урам зориг итгэл сэтгэлээр дүүрэн байгээ

Найздаа амьдралд нь хамгийн сайн сайхан бүхэнийг хүсэе

Анд найз бидэндээ үргэлж инээд хөөр баяр баясгалан бэлэглэж яваарай

Найз нар нь чамаас инээд хөөр баяр баясгаланг мэдэрдэг шүү

Миний шүтээн

2008-10-17T05:20:00.000-07:00

Миний шүтээн Аав, Ээждээ мөргөё

Би гэдэг хүн бурхан шашин гэхээсээ илүү эцэг эх хоёрийгоо шүтэж амьдардаг. Миний төлөө эцэг эх эх хоёр маань өдөр шөнөгүй залбирдаг болохоор намайг аз үргэлж эвээж явдаг гэж би итгэдэг би өөрийгөө хэн хүнээс илүү азтай хүн гэж боддог. Би тэнгэр бурханд залбирахын оронд эцэг эх хоёртоо залбирдагаа.

Р. Чойном “Миний шүтээн”-ээс иш татав.

Шүтлэгтэн биш гэлээ ч би
Шүтдэг ганцхан шүтээнтэй
Огторгуй тэнгэрт би шүтдэггүй
Одон гаригт би шүтдэггүй
Омголон догшин байгалийн сүрт үзэгдэлд би шүтдэггуй
Олны хэл ам, хараал ерөөлд би шүтдэггүй
Нүд аньж хувь тавиланг би шүтдэггүй
Нүгэл буян, бурхан чөтгөрийг ч шүтдэггүй
Би эмэгтэй хүнийг шүтдэг
Би эх хүнийг шүтдэг
Би ээжийгээ шүтдэг
Би гагцхүү би гэдэг дотоод сэтгэлийг минь
Биеийг минь, хүчин чадлыг минь
Биштэд итгэх итгэлийг минь бүтээсэн
Аугаа их тэр уран хүнд
Амьд баримал, амьд зураг, амьд дууг бүтээж
Бурхан багшаас ч ид чадлаараа давсан
Буурал үстэй бяцхан эмгэний өмнө
Өөрийн эрхгүй өвдөг сөхөрнөм.
Он цаг, хүмүүс хоёрыг бүрхэг байх үеэр
Онгон элгэндээ намайг тэвэрч өсгөсөн юм ижий минь

Тиймээ би эх хүнийг шүтдэг ээжийгээ би шүтдэг бас эцэг хүнийг шүтдэг эцэгийгээ би шүтдэг.

Энэ хорвоод сайн хүн хэдий олон ч ээжээс минь илүү намайг хайрлаж чадахгүй

Эх дэлхий хэдий уужим ч эцгийн минь намайг гэх сэтгэлийг гүйцэх сэтгэлтэн үгүй

Энэхэн биенд минь харин эх, эцгийнхээ ачийг хариулах чин хүсэл байвч

Эгэл биш юмаа эх, эцгийн минь ач

Эднийхээ сэтгэлийг чилээхгүй явахыг хичээе дээ.

Энгүй ачтануудаа ээдээ мөн их санах юмдаа...

Би гэдэг хүн ээжийнхээ хөхийг 5 нас хүртлээ хөхсөн гэж байгаа дүүгээ гарчихсан байхад хүртэл хамт хөхдөг байсан гэсэн хэ хэ тиймдээ өдийг хүртэл эрүүл саруул сайн сайхан явж байна. Ээхийн сүүгээ удаан хөхсөн хүүхэд бие сайтай эрүүл саруул байдаг гэдэг үнэн үг байхаа миний хувьд эрүүл саруул яваа маань эхийн сүүний ач гэж боддог.

Аав маань миний хувьд аав гэхээсээ гадна миний шүтдэг лам багш, миний багш, миний найз маань. Аав маань намайг хар багаас минь тооны ухаан гэдэг агуу зүйл рүү хөтлөж оруулсан. Миний аав Физик, Математикийн багш хүн л дээ 6 настай байхаас минь л багийн наадамд хуушуурнийхаа мөнгийг зөв бодож чадвал явуулана гээд л тоо бодуулдаг байж билээ тэр хуушуурнийх нь үнэ нь тэдэн төгрөг тэдэн мөнгө гээд л их хэцүү тоотой тэгээд л тэдэн төгрөгтөй байлаа гэж бодоё тэгвэл хэдэн хуушуур аваад хэдэн төгрөг хариж ирэх вэ гээд л бодуулдаг байж билээ ингэж л би математик гэдэг агуу шинжлэх ухааны үүдээр алхаж орсон. Тэр үед дунд сургуульд уйгаржин монгол бичиг үздэг байж билээ аав маань надад уйгаржин монгол бичиг зааж өгөхийн тулд бие даажуйгаржин монгол бичиг сурсан гээд бодохоор миний боловсорлын тал дээр маш их анхаарал тавьж байсан байгаа юм. За тэгээд хичээлээ тараад л гэртээ ирээд л тоогоо бодно аавтайгаа цуг суугаад л олимпиадад бэлдэнэ аав маань олон цаг хичээл заагаад хичнээн их ядарсан ч гэртээ ирээд л надад тоо заадаг байсан тиймдээ ч би аймгийн математикийн олимпидад 3 жил түрүүлж улсын математикийн олимпидад амжилттай оролцож, монгол улсын их сургуулийн хэрэглээний математикийн ангийг онц дүнтэй төгссөн юм. Аавын маань олон сайхан шавь нар өнөөдөр улс орны маань өнцөг булан бүрт сайн сайхан амьдарч яваа. Би ааваараа үнэхээр их бахархадаг эцгийнхээ нэрийг өргөж явахийн тулд эрвийж дэрвийхээрээ хичээж л явна.

Аав маань түвд хэлийг бие даан сурч бурханы шашиний тэр олон номыг яаж цээжилсэнийг би гайхдаг юм. Миний аав толгой сайтай үнэхээр их хөдөлмөрч хүн гэдгийг би ухаан орсон цагаасаа л мэддэг болсон. Тийм ч учираас би аавыгаа шүтдэг аавдаа нэг сайхан алгадуулхаа адис авлаа гэж баярладаг. Ааваараа хийморийн сан тавиулаад гарахад ажил төрөл санасанаар минь бүтдэг би боддог. Хүмүүс өөрийгөө тийм том ламд даатгуулаад гэж ярьдаг миний хувьд бол ямар ч том ламаас илүү наддаа бурхан аав минь миний төлөө залбирч байхад би сэтгэл өөдрөг бардам явдаг. Миний бурхан ээж аав хоёр маань миний төлөө залбирч байгаа болохоор зам маань дардан байдагаа.

Аав маань миний хамгийн сайн найз

Миний аав гэж хөгжилтөй яриа хөөрөө сайтай хэнтэй ч нэг л зангаараа харьцдаг жинхэнэ монгол эр хүн байдаг. Аавынхаа энэ сайхан чанруудыг өвлөж авахыг би их хичээдэг. чиний хамгийн дуртай зүйл чинь юу вэ гэж асуувал эргэлзэлгүй ээжийнхээ гарын хоолыг идэж аавтайгаа хуучлах гэж хэлнэ. Би аавтайгаа хуучлах маш дуртай сонсоод л баймаар хөгжилтөй ухаарал хайралсан ярианд би бүүр автчихдаг. Манай гэр гэж инээд цалгисан эрдмийн их өргөө. би өөрийгөө ийм сайхан гэр бүлд төрсөн ховорхон азтай хүн гэж боддог.

Бүлээн сүү амлаж өссөн болохоор сэтгэл минь цагаахан байдаг

Бүтэн хайранд өлгийдүүлж өссөн болохоор бодол минь гэгээхэн байдаг боловуу гэж боддог.

Энэ хорвоогийн эгэлгүй хоёр шүтээн Аав, Ээждээ сөгдөн мөргөё

Блогоо нээв

2008-09-26T21:14:00.000-07:00

Найзынхаа блогийг уншиж байгаад блогоо нээхээр шийдлээ. Анх удаа блог хөтлөж байгаа болохоор дутуу дулимаг зүйл байвал уучилаарай